මගේ කවි මත – උඹේ කැහි පිඩ

Posted: December 24, 2010 in කවි

”සල්ලි දීලා මුගේ කවි කියවන්නේ මොකටද?”
තරුණ කවියෙකුගෙ කාව්‍ය සංග‍්‍රහයක් එළි දැක් වු දින ඔහුගේ මිතුරු කවියෙක්

වසර ගණනක් තිස්සේ
මා ලියූ කවි ගෙන ගොස්
අච්චු ගහ ගත්ත දවසේ
ණය වුණා මං කොළඹට

උඹ දන්නේ නැතුවත් ඇති ඒක

උඹ නැති වෙන්නෙ
නැත්නම්
සඳ නැති වුණත්
කම් නැත

උඹ දුටු විට සිතුණේ එහෙම

තුට්ටුවක් නොවටිනා
මගේ කවි
සෙම් වගේ සොටු වගේ
සූරලා, කාරලා දමා
උඹ ගිහින් තිබුණා
මගේ කවියක් මත
තද සෙවල කහ
කැටියකුත් තබලා

උඹ ගැසු කැහි පිඩ
එතරම් අපුලක්
ගෙනාවේ නැහැ මට

මගේ අතින් ම
ඒ සෙවල කහ කැටිය පිහදලා
ඒ කවිය රැගෙන ආවා මම
කවි නොකියවන
දුර ඈත ගමකට
දකුණතින් වහකුප්පියක්
ගත් මිනිසෙකු
උදුරා ගත්තේ වමතිනු යි
ඒ කව

ත‍්‍රී රෝද රථයක
පිටු පස
අලවා ගත්තේ අයෙකු
ඒ කව

දැන් මා අසළ
ඒ කව නැත

අවසන් ය.

උඹ ගැසු
කැහි පිඩ නම්
තැන තැන තැවරෙමින්
එල්ලෙමින්
මේසය මත ම ඇත.

උඹගේ නිසා
යළි තැපැල් කර
එවිය නොහැකි ය
මතු දිනෙක
කවියක් ම වනු ඇත.

ලක්ෂාන් මධුරංග වික‍්‍රමරත්න

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s